ခေတ်ဝန် (၁)

၁၉၄၁ ခုလောက်မှာတော့ မြန်မာနိုင်ငံကို ကမ္ဘာစစ်ကြီး ကူးလာခဲ့ပါပြီ။ ဦးဝင်းတင်တို့ မိသားစုလည်း တခြား ရန်ကုန်မြို့သားတွေနည်းတူ စစ်ရန်က ပြေးခဲ့ကြရပါတော့တယ်။

ဦးဝင်းတင်။ ကျွန်တော်လည်း အခုက အသက်က (၈၀) လည်း ကပ်ပြီပေါ့ဗျာ။ နောက်တစ်ခါ ကျွန်တော့်ဘ၀ ပုံသဏ္ဍာန်လည်း အကုန်လုံး ပြောင်းပေါ့ဗျာ..နော်။ ဆိုပါတော့ဗျာ.. ကျွန်တော်က စာတွေဘာတွေပဲ ရေးတတ်တဲ့ လူပေါ့ဗျာ.. ဟုတ်လား။ ဒါပေမဲ့ နိုင်ငံရေးလောကထဲရောက်လာ၊ နိုင်ငံရေးသမားကလည်း ဖြစ်နေတော့ စကားကလည်း တောပြောတောင်ပြော ပြောရတာပေါ့။ ကျွန်တော်က တစ်ခါမျှလည်း စကားတွေဘာတွေ ဟုတ်တိပတ်တိ ပြောလေ့ပြောထ မရှိဘူး။ အဲဒီအနေအထားကနေပြီးတော့ ရေဒီယိုတို့ဘာတို့.. တစ်ခါ အခု ခင်ဗျားတို့ မီဒီယာတွေထဲမှာ ပြောရတဲ့အခါကျတော့လည်း ကျွန်တော့်အဖို့လည်း တစ်ခါတလေကျတော့ တော်တော်ဂွကျတာပေါ့ဗျာ။ ခင်ဗျားက အဲဒီ ငယ်ငယ်တုန်းကအကြောင်းလေးဘာလေး မေးမယ်ဆိုတော့လည်း မဆိုးဘူးဗျ။ မဆိုးဘူးဆိုတာ လူက အသက် (၈၀) ပိုင်းလောက်ကပ်လာတဲ့အခါကျတော့ ရှင်းရှင်းပြောရရင် ဒီနေ့ဖြစ်ပျက်နေတာတွေ ပြောတာထက်ပေါ့ဗျာ၊ ကိုယ်ငယ်ငယ်တုန်းကအကြောင်းတွေပဲ ပြန်ပြောချင်တယ်ဗျ။ အသက်အရွယ်ရောက်လာတဲ့အခါကျတော့ ငယ်သူငယ်ချင်းတွေနဲ့ တွေ့တဲ့အခါ စမြုံ့ပြန်ဆိုတော့ သိပ်ပြီးတော့ ပျော်စရာကောင်း၊ သိပ်ပြီးတော့ ကြည်နူးစရာကောင်းပေါ့ဗျာ။ ဘာဖြစ်လို့လဲဆိုတော့ လက်တွေ့ဘ၀ဖြစ်နေတဲ့၊ အခု လတ်တလောပေါ်နေတဲ့ နိုင်ငံရေးတို့ စီးပွားရေးတို့ စသည်ပေါ့ဗျာ.. ဒီကိစ္စတွေ
ကျွန်တော်တို့ မနိုင်တော့ဘူးဗျ။ လိုက်လို့လည်း မမီပေါ့ဗျာ။ အထူးသဖြင့် ကျွန်တော်တို့လို ထောင်ထဲ နှစ် (၂၀) လောက်နေခဲ့တဲ့လူအနေနဲ့က သာပြီးတော့ အဟပ်ကွာပြီးတော့ ကိုယ်က နားမလည်တာတွေက အများကြီးဖြစ်တဲ့အခါကျတော့ သိပ်ပြီးတော့ မပြောချင်ဘူးဗျ။ အဲဒီအချိန်မှာ ခင်ဗျား အခုလို ငယ်ငယ်တုန်းကအကြောင်းလေးဘာလေး ပြောပါလားဗျာဆိုတော့ အဘိုးကြီးတစ်ယောက်အနေနဲ့တော့ အကိုက်ဆုံးပဲဗျ။

§ § § § § § §

ဒီလိုပြောရမယ်ထင်တယ်ဗျ။ ကျွန်တော့်မိဘတွေကတော့ ကုန်သည်လို့ပဲ ပြောလို့ရပါတယ်။ ဘာလို့လဲဆိုတော့ ကျွန်တော့်အဖေက ရွှေတို့ငွေတို့ဆိုတဲ့ လုပ်ငန်းတွေလည်း လုပ်တယ်ပေါ့ဗျာ။ ရိုးရိုးအရပ်သားပါပဲ။ ကျွန်တော့် အမေကတော့ အိမ်ရှင်မသက်သက်ပါပဲ။ လက်လုပ်လက်စား မိဘတွေပါပဲ။ ဂျပန်ခေတ်ကျတော့ တခြား ထန်းလျက်တို့ဘာတို့ ဆိုတာတွေတောင်မှ ကုန်သည်အနေနဲ့ လုပ်ဖူးတယ်ပေါ့။ အဲဒီတော့ ပြောချင်တာကတော့
ကျွန်တော့်မိဘတွေက ကုန်သည်လို့ပဲ ဆိုပါတော့ဗျာ။ ကျွန်တော့်မိဘတွေက စစ်ကြိုခေတ်တုန်းကတော့ နိုင်ငံခြားသားတို့ဘာတို့ဆိုတာတွေနဲ့တောင်မှ ပေါင်းစပ်ပြီးမှပေါ့ဗျာ ရွှေလုပ်ငန်းတို့ဘာတို့ ရှိတယ်ဗျ။ ကျွန်တော်က ဒီလိုခင်ဗျ။ အများအားဖြင့်တော့ ကျွန်တော်က ရန်ကုန်မှာနေတာခင်ဗျ။ သို့သော် ကျွန်တော့်မိဘများရဲ့ မိဘပေါ့ဗျာ။ ကြို့ပင်ကောက်ဆိုတာ သာယာဝတီခရိုင်၊ ရန်ကုန်ပြည်လမ်းပေါ်မှာရှိတဲ့ မြို့လေးတစ်မြို့ပါပဲ။ ရန်ကုန်ကနေ (၁၁၀) မိုင်လောက် ဝေးတယ်ပေါ့။ အဲဒီတော့ ကျွန်တော့်ကို မွေးတဲ့အခါကျတော့ ကြို့ပင်ကောက်ကို ပြန်မွေးတယ်။ ၁၉၃၀ ခုနှစ်ပေါ့ဗျာ။ မတ်လ (၁၂) ရက်နေ့၊ ဗုဒ္ဓဟူးနေ့ အဲဒါနဲ့တွက်ကြည့်ရင် ကျွန်တော်က အခုလာမယ့်မတ်လ (၁၂) ရက်နေ့ဆို ကျွန်တော် အသက် (၇၉) နှစ် ပြည့်ပြီ၊ ကျွန်တော်မှတ်မိသလောက် ကျွန်တော့်ရဲ့ ငယ်စဉ်ဘ၀ကတော့ ရန်ကုန်မှာပဲ ကြီးတာပါပဲ။ ကျွန်တော် အခုပြန်စဉ်းစားတဲ့အခါကျတော့ အဲဒီအချိန်တုန်းက ဗမာပြည်ရဲ့ လူဦးရေကလည်း ၁၆ သန်းလောက် ရှိတယ်ဗျ။ အဲဒီတော့ ကျွန်တော်က (၁၂) လမ်းမှာ နေဖူးတယ်။ နောက်ပြီးတော့ လမ်း (၃၀) မှာ နေဖူးတယ်။ (၄၈) လမ်းမှာ နေဖူးတယ်။ အင်းစိန်မှာ နေဖူးတယ်။ အင်းစိန်ကနေပြီးတော့ ကျွန်တော် စစ်ပြေးရတာပေါ့ဗျာ။ အဲဒီခေတ်တုန်းက ရန်ကုန်လူဦးရေသည်ပင် သိန်းဂဏန်းလောက်ပဲရှိသေးမှာပဲဗျ။ ကျွန်တော်နေတဲ့ (၁၂) လမ်းကနေပြီးတော့ လမ်းမတော်လောက် အထိက ဗမာတွေချည်းပဲနေတာဗျ။ လမ်းမတော်ကနေ ဟိုဘက်ကျော်တဲ့အခါကျတော့ ဒါ တရုတ်တန်းပေါ့ဗျာ။ တရုတ်တန်းကလည်း သိပ်များများမဟုတ်ဘူးဗျ။ တရုတ်တန်းလို့ခေါ်တဲ့ တရုတ်တွေအများစု နေကြတယ်ဆိုတဲ့ နေရာကလည်း အဲဒီ လမ်းမတော်နဲ့ သိမ်ကြီးဈေး ကြားလောက်ပဲရှိတယ်ဗျ။ သိပ်မများဘူးဗျ။ အဲဒီ သိမ်ကြီးဈေးကနေပြီးတော့ (၃၉) လမ်း လမ်း (၄၀)၊ အခုခေတ်ခေါ်တဲ့ ဗိုလ်အောင်ကျော်လမ်းပေါ့ဗျာ၊ အဲဒီလောက်အထိကတော့ ကုလားချည်းပဲ နေကြတာ။ အဲဒီ စိန့်ပေါဘုရားကိုကျော်ပြီးတော့ ဟိုဘက်ရောက်သွားတဲ့ ရေကျော်ပိုင်းကျတဲ့အခါကျတော့ ဗမာရပ်ကွက်ဖြစ်သွားပြန်ရော။ အဲဒီဟိုဘက်ရောက်သွားတဲ့ တာမွေတို့၊ ကျောက်မြောင်းတို့ ဆိုတာတွေရောက်သွားတဲ့အခါကျတော့ ဗမာရပ်ကွက် လုံးဝဖြစ်သွားတဲ့အပြင်ကို အလွန့်ကို ဆင်းရဲတဲ့လူတွေနေတဲ့ အရပ်တွေပေါ့။

အဲဒီတုန်းက ရန်ကုန်မြို့ဟာ အာရှတစ်လွှားမှာ မြန်မာတွေဂုဏ်ယူရတဲ့မြို့ ဖြစ်ခဲ့ပုံကို ဦးဝင်းတင်က ကိုယ်တွေ့ကြုံခဲ့သူပါ။

ကျွန်တော်က တစ်ယောက်တည်းသော သားကိုး.. အဲဒီအချိန်အထိက။ အဲ.. နောက်ပိုင်းကျတော့ ကျွန်တော့်ညီမလေးတစ်ယောက် မွေးပါတယ်။ သူက ကျွန်တော့်ထက် တော်တော်ငယ်တယ်ဗျ။ ဆယ့်လေးငါးနှစ်လောက် ငယ်တယ်။ ကြားထဲမှာ ညီတစ်ယောက်မွေးတယ်။ အဲဒီညီကတော့ ခပ်ငယ်ငယ်ထဲကပဲ သေသွားတယ်ဗျ။ အခု ကျွန်တော်နဲ့ ကျွန်တော့်ညီမ ရှိတယ်ပေါ့ဗျာ။ အဲဒီတော့ အဲဒီအချိန်လောက်အထိ၊ ခြောက်နှစ်သား ခုနစ်နှစ်သားအထိလောက်ကတော့ တစ်ဦးတည်းသော သားပေါ့ဗျာ။ အဲဒီတော့ မိသားစုထဲမှာ ကျွန်တော်တို့ သုံးယောက်တည်းဆိုတဲ့အခါကျတော့ ကျွန်တော့် အဖေတို့ဘာတို့က တပတ်တစ်ခါလောက် အပြင်ကိုထွက်ပြီးတော့ ထမင်းကျွေးတယ်။ တရုတ်ဆိုင်ဘာညာပေါ့ဗျာ၊ လမ်းဘေးပါပဲ။ ကုလားဆိုင်တို့။ ကျွန်တော်အခုထိ မှတ်မိနေတဲ့ဟာလေးတစ်ခုက ဘာလဲဆိုရင် ရန်ကုန်မြို့ကြီးကို ရေဖြန်းတယ်ဗျ။ ဥပမာ ကော်မရှင်နာလမ်းလို့ခေါ်တဲ့ အခု ဗိုလ်ချုပ်လမ်းပေ့ါဗျာ။ အဲဒါကြီးတစ်ခုလုံး ဟိုး ဘုရင်မအိမ်ကစပြီးတော့ ခရေပင်လမ်းတို့ဘာတို့ကနေ လာလိုက်တာ၊ ဒီဗိုလ်ချုပ်လမ်းကြီးတစ်လျှောက်လုံးကနေပြီးတော့ အတွင်းဝန်ရုံး ကျော်တဲ့အထိ ရေဖြန်းတာပဲဗျ။ အဲဒီလမ်းမကြီးလေ။ မှတ်မိနေတယ်။ မျက်စိထဲမှာ အခုထက်ထိ မြင်ယောင်နေတယ်။ ရန်ကုန်မြို့ကြီးကလည်း သန့်နေတာပဲ။ ဘာမှ မရှိဘူး။ ဒါ့ကြောင့်လည်း စစ်ကြိုခေတ်တုန်းက ဒီ စင်ကာပူတို့ဘာတို့ စသည့် ဟာတွေ စုတ်ပြတ်သတ်နေတဲ့အချိန်ပေါ့ဗျာ။ ယိုးဒယားတို့ဘာတို့ စုတ်ပြတ်သတ်နေတဲ့အချိန်မှာ ရန်ကုန်ဟာ အာရှတိုက်ရဲ့ အလှဆုံးမြို့လို့ အပြောခံရတာ အဲဒီ အချက်တစ်ချက် ပါလိမ့်မယ်လို့ ကျွန်တော် ထင်တယ်ဗျ။

ရန်ကုန်မြို့ (၁၂) လမ်းဘက်က ရပ်ကွက် စာသင်ကျောင်းလေးတစ်ခုမှာ ဦးဝင်းတင်ရဲ့ မူလတန်းကျောင်းသားဘ၀ စခဲ့ရာကနေ လမ်း (၃၀) ဘက်ကို မိဘတွေ ရွှေ့ပြောင်းတဲ့အခါ မြို့မကျောင်းကို ရောက်သွားခဲ့ပါတယ်။ ၁၉၃၆/၃၇ လောက်ပဲလို့ ဦးဝင်းတင်က ပြောပါတယ်။

မြို့မကျောင်းဆိုတာ အဲဒီအချိန်တုန်းကတော့ အမျိုးသားကျောင်းထဲမှာ ဒါ ထင်ရှားတဲ့ကျောင်းပေါ့ဗျာ။ ဆရာကြီး ဦးဘလွင်တို့၊ ဆရာကြီး ဦးအေးသွယ်တို့ ဆိုတဲ့ပုဂ္ဂိုလ်များ ဦးစီးတဲ့ ကျောင်းပေါ့။ နောက်ပြီးတော့ ဗမာ မျိုးချစ်ခေါင်းဆောင်များ မြောက်မြားစွာလည်း အဲဒီမှာ ကျောင်းဆရာတွေ လုပ်ခဲ့ဖူးတာပေါ့။ ဆရာဇော်ဂျီတို့ အပါအ၀င်ပေ့ါဗျာ..နော်။ အဲဒီကျောင်းက ထွက်တဲ့ လူတွေထဲမှာလည်း ထင်ရှားတဲ့ပုဂ္ဂိုလ်တွေ အများကြီး ရှိပါတယ်။ နောက်ပြီးကျွန်တော်တို့ လမ်း (၃၀) ကနေပြီးတော့ (၄၈) လမ်းပေါ့။ ဘာခေါ်မလဲ ရေကျော်ဘက်ကို ကျွန်တော်တို့ ပြောင်းသွားတဲ့ အခါကျတော့လည်း ကျွန်တော် မြို့မကျောင်းမှာပဲ ဆက်တက်တယ်။ စကားတောင်ဖြတ်ပြောရဦးမယ်ဗျ ကျွန်တော့်အဖေက ပညာတွေဘာတွေ သိပ်ပြီးတော့တတ်တဲ့သူလည်း မဟုတ်ပါဘူး။ ဗမာစာတတ်ရုံလောက်ပေါ့ဗျာ။ စသည်ပေါ့.. အင်္ဂလိပ်စာတတ်ရင် အင်္ဂလိပ်စာ နည်းနည်းပါးပါး လောက်တတ်မယ်။ ကျွန်တော် သိပ်မသိဘူး။ ကျွန်တော့်အဖေအကြောင်းတွေ ကျွန်တော် မေးဖို့လောက်တောင် ကျွန်တော့် အဖေက အသက်မရှည်ဘူး။ ကျွန်တော် ငယ်ငယ်ရွရွယ်နဲ့ သေသွားတာကိုး။ ဒါပေမဲ့ ကျွန်တော့်အဖေက ဘာလဲဆိုတော့ (၁) ကတော့ ကျွန်တော့်ကို စာတတ်စေချင်တယ်။ နောက်တစ်ခုက ကျွန်တော့်ကို ကိုယ့်ဒူးကိုယ်ချွန်လုပ်အောင်ပေါ့ဗျာ .. ရဲရဲဝံ့ဝံ့ဖြစ်အောင်ပေါ့။ ကျွန်တော် ငယ်ငယ်ကလေးထဲက စပြီးတော့ ကျောင်းသွားရင် ကျွန်တော် တစ်ယောက်တည်း သွားရတာဗျ။ ကျွန်တော်မှတ်မိသလောက် ကျွန်တော် ခြောက်နှစ်သားလောက်ဘာလောက်လဲ မြို့မကျောင်းကိုသွားတဲ့အခါကျတော့ မြို့ထဲကနေပြီးတော့ပေါ့ဗျာ၊ ကျွန်တော် ရထားစီးသွားရတယ်ဗျာ။ ရန်ကုန်ဘူတာကြီးလာ၊ ရန်ကုန်ဘူတာကြီးကနေပြီးတော့ လမ်းမတော်အထိပေါ့။ ကျွန်တော် (၄၈) လမ်းနေတုန်းက ကျွန်တော် တစ်ယောက်ထဲ သွားရတာပဲ။ နောက်ပိုင်းကျတဲ့အခါကျတော့ ကျွန်တော့်အဖေက ရှစ်နှစ်သားကိုးနှစ်သားလောက်ကထဲက ကြို့ပင်ကောက်ကို ကျွန်တော်တစ်ယောက်တည်း ရထားပေါ် တင်လွှတ်လိုက်တာဗျ။ ကျွန်တော့် အဘွားရှိတာကိုး။ နွေရာသီကျောင်းပိတ်ရင် ကျွန်တော် တစ်ယောက်တည်း ပြန်တာပဲဗျ။ ဒါကျွန်တော့်အဖေကနေပြီးတော့ ကျွန်တော့်ကို သွန်သင်တဲ့ အလေ့အကျင့်တစ်ခုပေါ့ဗျာ။

ဦးဝင်းတင်ရဲ့ ဘ၀ပုံရိပ် အပိုင်း (၁) ကို ဒီမှာတင် ရပ်နားခွင့်ပြုပါ။ လာမယ့်အပတ်မှာ ဦးဝင်းတင် အသက်ဘေးက သီသီလေးလွတ်ခဲ့တဲ့ ငယ်စဉ်အတွေ့အကြုံတစ်ခုကို နားဆင်ရမှာ ဖြစ်ပါတယ်ခင်ဗျာ။