ကြေးမုံသတင်းစာ စောင်ရေတစ်ဟုန်တိုး တိုးလာနေခိုက်မှာပဲ ၁၉၅၈ ခုနှစ် စက်တင်ဘာလမှာ ဗိုလ်ချုပ်နေ၀င်းရဲ့ စစ်တပ်က အာဏာသိမ်းလိုက်ပါတယ်။
ဗမာပြည်နိုင်ငံရေးမှာ ပါလီမန်ဒီမိုကရေစီဆိုပြီးတော့ ပြည်သူ့ရဲ့ဆန္ဒနဲ့အညီ သွားနေတဲ့စနစ်ကို ဖြိုဖျက်ဖို့ စစ်တပ်က စပြီးတော့ ခြေလှမ်းလှမ်းတဲ့ အာဏာသိမ်းမှုပဲ ခေါ်ပါပေါ့ဗျာနော်၊ အဲဒီအချိန်တုန်းက သုံးတဲ့စကားလုံးကတော့ အာဏာလွှဲပြောင်းမှုပေါ့ဗျာ။ ပေါ်လာတဲ့အကြောင်းကလည်း ဦးနုကနေပြီးတော့ အာဏာသိမ်းမယ်ဆိုတာကို သူတို့မိတ္ထီလာမှာ တပ်မှူးများညီလာခံလုပ်တယ်၊ အဲဒီကသတင်းက
ဦးနုဆီပေါက်ကြားသွားတဲ့အခါကျတော့ ဦးနုကနေပြီးတော့ ကိုနေ၀င်း၊ ခင်ဗျားတို့ တိုင်းပြည်ကို ၀င်ပြီးတော့ ကူပါ။ ရွေးကောက်ပွဲတွေ လုပ်ပေးပါ။ ခင်ဗျား ၀န်ကြီးချုပ်လုပ်ဖို့ကို လွှတ်တော်မှာကျွန်တော် အဆိုသွင်းမယ်ဘာညာဆိုပြီးတော့ စာရေးတယ်။ အဲဒီတော့ ဦးနေ၀င်းကလည်း အဲဒီစာကို ပြန်လာတယ်။ စက်တင်ဘာလ ဆိုပါတော့။ ရက်တစ်ရက်မှာပေါ့ဗျာ။ ဘာပါလဲဆိုလို့ရှိရင် ၀န်ကြီးချုပ်ခင်ဗျား တာဝန်ပေးမယ် ဆိုလို့ရှိရင်တော့ ကျွန်တော် တာဝန်ယူပြီးတော့ ဆောင်ရွက်ပါ့မယ်။ ၀န်ကြီးချုပ်နေရာကို ကျွန်တော် တာဝန်ယူပါ့မယ်ဆိုပြီးတော့ ပြန်လိုက်တယ်။ ဆိုတော့ အဲဒီနေ့၊ အဲဒီရက်ဟာ ဗမာပြည်မှာ စစ်အာဏာယန္တရားဟာ စပြီးတော့ လွှမ်းမိုးတဲ့ရက်လို့ ပြောလို့ရတယ်ပေါ့ဗျာ။ အဲဒီတော့ အဲဒီရက်မှာ ကျွန်တော်မှတ်မိတဲ့ ပုံသဏ္ဍာန်လေးကို ကျွန်တော် ပြောရဦးမယ်ဗျ။ ဦးနေ၀င်းကနေပြီးတော့ ဦးနုဆီကို စာပြန်တော့မယ်ဆိုတာကို တစ်နေရာကနေ ကျွန်တော် သတင်းရတယ်။ ရတဲ့အခါကျတော့ ကျွန်တော်က ဦးနုရဲ့အိမ်ရှေ့မှာ သွားပြီးစောင့်နေတယ်ဗျ။ ဦးနုက ဘယ်မှာနေလဲဆိုတော့ အဲဒီအချိန်တုန်းက၊ အခု ဟံသာဝတီအ၀ိုင်းနဲ့ မျက်နှာချင်းဆိုင်ပေါ့ဗျာ။ အဲဒီအချိန်တုန်းကတော့ ၀န်ဒါမီယာ ခေါ်တာပေါ့ဗျာ။ အဲဒီထဲမှာ ဦးနုက အိမ်တစ်လုံးနဲ့ ၀န်ကြီးချုပ်အနေနဲ့ နေတယ်။ အဲဒီတံခါးနားကို မီးခိုးယောင်ဖီးယက်ကားလေးတစ်စင်း ၀င်လာတယ်ဗျာ။ အဲဒီကားမှာ နာမည်ကျော် ဗိုလ်အောင်ကြီးပေါ့ဗျာ။ နောက်ပိုင်းမှာ ဦးအောင်ကြီး။ ကျွန်တော်တို့ NLD ရဲ့ ဥက္ကဋ္ဌတောင် ဖြစ်သွားလိုက်သေးတယ်ပေါ့ဗျာ။ အခုထိလည်း ရှိပါသေးတယ်။ နောက်ပြီးတော့ ဗိုလ်မှူးချုပ်အောင်ကြီးနဲ့အတူ ဗိုလ်မှူးချုပ်မောင်မောင်ဆိုတာ ပါတယ်။ မောင်မောင်ဆိုတာ ခရစ်ယန်ဘာသာဘက်ကို ပြောင်းသွားပြီးတော့၊ ခရစ်ယန်စာပေတွေ၊ ခရစ်ယန်ဘာသာရေးစာအုပ်တွေကို ပြုစုနေတဲ့ ဗိုလ်မှူးချုပ်ဟောင်း၊ သံအမတ်ကြီးဟောင်း ဦးမောင်မောင်ပေါ့ဗျာ။ ဒီပုဂ္ဂိုလ်ပါတယ်။ အဲ ဗိုလ်ချုပ်တင်ဖေပေါ့ဗျာ။ နောက်ပိုင်းမှာ ကုန်သွယ်ရေးဝန်ကြီးတို့ဘာတို့ ဖြစ်ပြီးတော့ အတော်ကို ထင်ရှားခဲ့တဲ့ ပုဂ္ဂိုလ်ပေါ့ဗျာ။ ဗိုလ်ချုပ်တင်ဖေက ဗိုလ်ချုပ်အောင်ကြီးတို့၊ ဗိုလ်ချုပ်မောင်မောင်တို့နဲ့ မတူဘူး။ စကားပြောတာ အလွန်ကိုကောင်းတဲ့ ပုဂ္ဂိုလ်ပေါ့ဗျာ။ အဲဒီပုဂ္ဂိုလ်သုံးယောက် ပါတယ်ဗျ။ အဲဒီကားပေါ်မှာ။ ကျွန်တော်တို့က အဲဒီကားကို ဓာတ်ပုံရိုက်ထားလိုက်တယ်။ ကြေးမုံမှာ နောက်ပိုင်းမှာ အဲဒီဓာတ်ပုံ ပါတယ်။ နောက်ပြီး ကျွန်တော်တို့က သွားပြီးတော့ မေးတဲ့အခါမှာလည်းဟုတ်လား၊ ဦးနေ၀င်းရဲ့ပြန်စာကို ယူလာတာ မဟုတ်လားလို့ ဒီလိုမေးတဲ့အခါမှာ အဲဒီဗိုလ်ချုပ်တွေကပေါ့ဗျာဟုတ်လား။ ကျွန်တော် မှတ်တောင် မမှတ်မိတော့ဘူး။ ဘယ်သူမှန်းတော့ မသိဘူး။ ပြန်ပြီးတော့ ကျွန်တော်တို့ကိုတောင် အကြောင်ရိုက်သွားတယ်။ ဟာခင်ဗျားတို့ကလည်း သတင်းတွေက ရလှချည်လား။ ရရင်တော့ ခင်ဗျား ကျုပ်တို့ကိုဘာလို့မေးနေလဲ။ ရတဲ့အတိုင်းပဲ ရေးပါလားဗျလို့ ဆိုပြီးတော့ ပြန်ပြီးတော့ ကျွန်တော်တို့ကိုတောင်မှ ခနဲ့သွားသေးတယ်၊ ကျွန်တော်တို့ကလည်း ခပ်ကြောင်ကြောင်နဲ့ ဒါ့ထက်လည်း ပိုပြီးတော့ မသိတာလည်း အမှန်ပဲပေါ့ဗျာ။ ဒါပေမဲ့ သိတာကိုလည်း ကျွန်တော်တို့က အခိုင်အမာပြောဖို့ဟာကလည်း မရဘဲနဲ့၊ သူတို့လည်း ၀င်သွားတယ်ပေါ့ဗျာ။ ကျွန်တော်တို့ကလည်း ပြန်လာတာပေါ့။ ဒါကလည်း မထူးဆန်းဘူးပေါ့ဗျာ။ သူတို့ကလည်း သူတို့ဟာသူတို့ အာဏာသိမ်းဖို့တို့ဘာတို့ စလုပ်နေပြီပေါ့။ နောက်တော့ ဟိုခေတ်တုန်းကလည်း ဒီခေတ်လိုတော့လည်း ဟန်းဖုန်းတွေ ဘာတွေညာတွေနဲ့ ကွန်ပြူတာတွေဘာတွေနဲ့ ရှိတဲ့ခေတ်မဟုတ်တော့ လူကိုယ်တိုင်ပဲလာပြီးတော့ စာနဲ့ပေးတာပေါ့ဗျာ။ Email နဲ့လည်း ပို့လို့မရတဲ့ ခေတ်ကိုးဗျနော်။ လာပေးကြတယ်။ အလွန်ရိုးရှင်းတဲ့ခေတ်မှာ ဖြစ်ရပ်တွေဟာ ရိုးရှင်းတဲ့ပုံသဏ္ဍာန်နဲ့ ပေါ်သွားတယ်လို့ ပြောမယ်ဆို ပြောလို့ရတယ်။သို့သော်လည်း အဲဒီလို ရိုးစင်းတဲ့လုပ်ရပ်တစ်ခု ဖြစ်ပေါ်ခဲ့တဲ့ကာလမှာ ထူးခြားဆန်းကြယ်မှုတစ်ခုကိုလည်း သူ ကြုံတွေ့ခဲ့ရတယ်လို့ ဦးဝင်းတင်က ပြောပါတယ်။
အဲဒီနေ့ မနက်မှာ ကျွန်တော့်ကို ရန်ကုန်ဘဆွေကနေပြီးတော့ ခေါ်တယ်ဗျ။ ရန်ကုန်ဘဆွေဆိုတာ အလွန်နာမည်ကြီးတဲ့ စာရေးဆရာ ရန်ကုန်ဘဆွေပေါ့ဗျာ။ ပန်းချီဆရာကြီး ရန်ကုန်ဘဆွေပေါ့ဗျာ။ အထူးပြောစရာ မလိုဘူး။ ဒါပေမဲ့ ကျွန်တော် နည်းနည်းလေးပြောရမယ်ဆိုရင် ရန်ကုန်ဘဆွေဆိုတဲ့ ပုဂ္ဂိုလ်က ဗမာပြည်နိုင်ငံရေးမှာ ဟုတ်လား၊ တစ်ကိုယ်တော်တည်းနဲ့ကို ဟုတ်လား၊ တော်တော့်ကိုလှုပ်ရှားခဲ့တဲ့ ပုဂ္ဂိုလ်ဗျ။ ၀န်ကြီးချုပ်ဖြစ်သွားတဲ့ ဦးဘဆွေကြီးက၊ ထားဝယ်ဘဆွေကြီးက ရှိတဲ့အခါကျတော့ သူက ရန်ကုန်ဘဆွေပြီးတော့ နာမည်တပ်ပြီးတော့ စာတွေပေတွေရေးတယ်။ ပန်းချီတွေဆွဲတယ် စသည်ပေါ့ဗျာ။ နောက်ဂျပန့်ခေတ်ရောက်တဲ့အခါကျတော့လည်း ဂျပန်တော်လှန်ရေးတို့ဘာတို့မှာ တစ်ယောက်တည်းလိုလို တစ်ကိုယ်တော်လိုလို ပါဝင်ခဲ့တဲ့ပုဂ္ဂိုလ်ဗျ။ နောက်ပိုင်းကျတော့လည်း ဦးနေ၀င်းတို့၊ သခင်စိုးတို့ဆိုတဲ့ ပုဂ္ဂိုလ်တွေနဲ့ ဆက်စပ်ပြီးတော့ တော်တော်ကို မြစ်ဝကျွန်းပေါ်မှာ လှုပ်ရှားခဲ့တဲ့ပုဂ္ဂိုလ်။ အဲဒီပုဂ္ဂိုလ်က ကျွန်တော်ပြောချင်တာက၊ အဲဒီမနက်မှာ ကျွန်တော့်ကို လှမ်းခေါ်တယ်ဗျ။ ကိုဝင်းတင်ခဏ...။
0 comments:
Post a Comment