ခေတ်ဝန် (၆)

ဆရာဦးဝင်းတင်ရဲ့ အထက်တန်းကျောင်းသားဘ၀ဟာ နိုင်ငံရေးအသိုင်းအ၀ိုင်းထဲမှာပဲ အဆုံးသတ်ခဲ့တယ်လို့ ဆိုနိုင်ပါတယ်။

အဲဒီအချိန်မှာပဲ ကျွန်တော်က ကြို့ပင်ကောက်မြို့နယ် ကျောင်းသားသမဂ္ဂဥက္ကဋ္ဌ လုပ်တယ်။ အဲဒီ ကျောင်းသား သမဂ္ဂဥက္ကဋ္ဌအနေနဲ့ ကျွန်တော် ရန်ကုန်းတိုင်း ညီလာခံတို့ဘာတို့ဆိုတာတွေ သွားတက်တယ်ဗျာ။ အဲဒီအချိန်က ညီလာခံ ခေါင်းဆောင်တွေဖြစ်တဲ့ သမိုင်းပါမောက္ခ ဒေါက်တာသန်းထွန်းတို့၊ ကွန်မြူနစ်ပါတီက ချစ်သန်းထွန်းဆိုတာ နောက်ပိုင်းကျတော့ ရှေ့နေတွေဘာတွေဖြစ်ပေါ့ဗျာ။ ကွန်မြူနစ်ပါတီဝင်အနေနဲ့ တောခို ဆိုတော့ အဲဒီလို ပုဂ္ဂိုလ်တွေက ကျွန်တော် မှတ်မိနေတယ်ဗျ။ ကျောင်းသားခေါင်းဆောင်တွေ တော်တော်များများကို တွေ့ဖူးသွားတယ်ပေါ့ဗျာ။ မြင်လည်းမြင်ဖူးသွားတယ်။ ကျွန်တော်တို့အဖို့ကတော့ တအံ့တသြပေါ့။

တစ်ပြိုင်တည်းမှာပဲ ကျောင်းသားခေါင်းဆောင်တစ်ယောက်အနေနဲ့ ကြို့ပင်ကောက်မြို့က ဖဆပလ ခေါင်းဆောင်တွေ၊ ကွန်မြူနစ်ပါတီဝင်တွေနဲ့လည်း ဦးဝင်းတင် ရင်းနှီးခဲ့ပါတယ်။ အဲဒီနောက် တက္ကသိုလ်ဝင်တန်း စာမေးပွဲကို ဖြေဆိုအောင်မြင်ပြီး အသက် (၁၆) နှစ်ကျော်ကျော် ၁၉၄၈၊ ဇွန်လလောက်မှာ ဦးဝင်းတင် တက္ကသိုလ် တက်ဖို့ ရန်ကုန်မြို့ကို ပြန်လည်ရောက်ရှိလာခဲ့ပြန်ပါတယ်။

ကျွန်တော့်ဦးလေးတစ်ယောက်က စစ်ဗိုလ်လုပ်နေတော့ သူက အင်းလျားကန်စောင်းနဲ့ တက္ကသိုလ်ရိပ်သာလမ်းနဲ့ ကုက္ကိုင်းလမ်းထောင့်မှာရှိတဲ့ ချင်းကျောင်းနန်းတော်ဆိုတဲ့ အဲဒီ တရုတ် နန်းတော်ကြီးပေါ့ဗျာ။ မြင်နေရတယ်ဗျ။ အဲဒီအချိန်မှာ ကျွန်တော် စာလေးဘာလေး ၀ါသနာပါပြီဗျာ။ အဲဒီတော့ အိမ်မှာရှိတဲ့ဟာတွေဘာတွေ ဆွေမျိုးတွေရဲ့ စာအုပ်တွေ၊ ကျွန်တော့်အဖေရဲ့ လယ်တီဆရာတော်ဘုရားရဲ့ စာအုပ်တွေ၊ ကဗျာစာအုပ်တွေ၊ ကျွန်တော့်ဦးလေး ဗိုလ်မင်းခေါင်စုဆောင်းထားတဲ့ နိုင်ငံရေးစာအုပ်တွေရော ဘာတွေရော၊ ကျွန်တော် တော်တော်များများ ရန်ကုန်ကို သယ်လာတာကိုးဗျ။ ကျွန်တော် အဲဒီတက္ကသိုလ်မရောက်ခင် ကျွန်တော့်ဦးလေးနဲ့ လိုက်ပြီးတော့ အဲဒီချင်းကျောင်းနန်းတော်ပေါ်မှာ ကျွန်တော် စာဖတ်တယ်ဗျ။ တွေ့ရာစာအုပ်တွေ ဖတ်တာပဲဗျ။ တစ်နေ့လုံးလိုလိုဖတ်တာ၊ အဲဒီ အချိန်မှာ ကျွန်တော်မှတ်မိတဲ့မြင်ကွင်းက ဘာလဲဆိုလို့ရှိရင် အဲဒီနန်းတော်ကြီးမှာရှိတဲ့ ပါကေးဆိုတဲ့ ကျွန်းသားခင်းတွေကို အကုန်လုံး စစ်သားတွေက တူး၊ အဲဒါတွေကို မီးစိုက်တယ်။ အခန်းတစ်ခန်းပြီးတစ်ခန်း တစ်ခန်းပြီးတစ်ခန်း ထမင်းတစ်ခါချက်ရင် စစ်သားကလည်း အဲဒီအချိန်တုန်းက ကျွန်တော်ထင်တယ် ၇၀/၈၀ တော့ ရှိတယ်။ ထမင်းစားဖို့ တစ်ခါချက်ဘာညာဆိုလို့ရှိရင် ဒီ ပါကေးကျွန်းစလေးတွေဟာ တစ်ခန်းစာလောက်တော့ ကုန်သွားတာပဲဗျ။ နောက်တစ်ခါ ဒီရေချိုးခန်းကြီးထဲမှာရှိတဲ့ အိမ်သာတွေဘာတွေဆိုလည်း အကုန်လုံး မစင်တွေနဲ့ပြည့်နေ၊ နောက်တစ်ခါ ရေချိုးခန်းထဲမှာရှိတဲ့ ---- တွေပေါ့ဗျာ၊ လူတစ်ယောက်လှဲအိပ်နိုင်တဲ့ ကြွေဇလုံကြီးတွေထဲမှာလည်း မစင်တွေပြည့်။ အဲလိုဟာတွေပေ့ါဗျာ။



အဲဒီလိုနဲ့ပဲ ဦးဝင်းတင်တစ်ယောက် ရန်ကုန်တက္ကသိုလ်ကျောင်းသား ဖြစ်လာခဲ့ပါပြီခင်ဗျာ။

အဲ တက္ကသိုလ်မှာ ကျွန်တော်တို့ အခု ဗဟိုအဆောင်များပေါ့ဗျာ။ ဒီ ဘွဲ့နှင်းသဘင်ခန်းမကြီး၊ နောက်တစ်ခါ ဟို နားမည်ကျော်ပေါ့ဗျာ။ အခု နာဂစ်မုန်တိုင်းမှာတောင်မှ လဲပြိုစရာထဲမှာ ပါမသွားတဲ့ သစ်ပုပ်ပင်ကြီးတို့ပေါ့ဗျာ။ နောက် အဓိပတိလမ်းတို့ဆိုတဲ့ အဲဒါတွေရှိတဲ့ တစ်ဝိုက်ပေါ့ဗျာ။ တက္ကသိုလ်။ အဲဒီတစ်ဝိုက်မှာ ဘာတွေရှိလဲဆိုတော့ ကျောင်းဆောင်တွေရှိတယ်ဗျာ။ စာသင်ဆောင် တွေရှိတယ်။ ကျောင်းသားအဆောင်တွေ ကတော့ အင်းဝတို့၊ စစ်ကိုင်းတို့၊ ပင်းယတို့၊ ပဲခူးတို့၊ သထုံတို့ဆိုတဲ့ ကျောင်းဆောင်တွေ ရှိတယ်။ အဲ ဟိုးရှေးခေတ်တုန်းက ခရစ်ယန် သာသနာကနေပြီးတော့ ဖွင့်ထားတဲ့ ဂျပ်ဆင်ကောလိပ်ဆိုတာကလည်း ကျွန်တော်တို့ တက္ကသိုလ်တွေနဲ့ ခုန အဓိပတိလမ်းရဲ့ ဟိုဘက်ခြမ်းဒီဘက်ခြမ်းပေါ့ဗျာ။ နောက်တစ်ခါ အရင်တုန်းက ကွက်လပ်ကြီးရှိတယ်ဗျ။ ဘွဲ့နှင်းသဘင်ရဲ့ ဘေးမှာ၊ ကွက်လပ်ကြီးမှာ နောက်ပိုင်းကျတဲ့အခါကျတော့ စီးပွားရေးတက္ကသိုလ်အဆောင်များဆိုပြီးတော့ ဆောက်တယ်နဲ့ တူတယ်ဗျာ။ ထားတော့။ မြေကွက်လပ်ကြီးအကြောင်း ကျွန်တော် ထည့်ပြောရတာလည်း ကရင်သူပုန်ထတဲ့အခါမှာ အဲဒီနေရာကနေပြီးတော့ အမြောက်တွေထောင်ပြီးတော့ တဒိန်းဒိန်းနဲ့ပစ်လို့ ကျွန်တော် မှတ်မိနေတာပေါ့။

တက္ကသိုလ်တက်တဲ့အခါကျတော့ ကျွန်တော်တို့ ဘာသာရပ်တွေက ယူချင်တာယူလို့ရတယ်ဗျာ။ ၀ိဇ္ဇာတန်းလို့ခေါ်တဲ့ Intermediate Classes တွေမှာ ငါးဘာသာယူရတယ်ဗျ။ မူရင်း အင်္ဂလိပ်စာယူရတယ်ဗျာ။ မူရင်းမြန်မာစာယူရတယ်ဗျာ။ အဲဒါအပြင် သုံးဘာသာယူရတယ်ဗျ။ ယူချင်တာယူ ယူလို့ရတယ်။ ဘာသာရပ် သုံးခုအထဲက ကျွန်တော်ဘာယူလဲဆိုတော့ စိတ်ကြိုက်မြန်မာစာ ယူတယ်ဗျာ။ သမိုင်းယူတယ်။ နောက်ပြီးလော့ လော့ဂျစ်ဆိုတဲ့ တက္ကဗေဒပေါ့ဗျာ။ အဲဒါတွေယူတယ်။

စစ်ပြီးခါစလည်းဖြစ်ပြန် ကျောင်းသားတွေကလည်း အရင်ခေတ်တွေလို မဟုတ်တော့ဘူး။ ခုံဖိနပ်နဲ့တက်တဲ့ကောင်က တက်ပေါ့ဗျာ။ သွားချင်ရာသွား၊ ခေါင်းစုတ်ဖွားနဲ့လည်း နေချင်ရာနေ၊ တရားပွဲတွေ ထွက်နားထောင်၊ တကသသွား၊ သို့မဟုတ်လည်း စာအကြောင်းပေအကြောင်းပြော၊ စာကြည့်တိုက်သွား၊ အင်းလျားကန်စောင်းသွားထိုင်၊ တော်တော်လေးကို လွတ်လပ်တယ်ပေါ့ဗျာ။ မိဘရဲ့ အရိပ်အောက်မှာနေရတဲ့ အနေအထားကနေပြီးတော့ လုံးဝကို ကျွတ်လွတ်ပြီးတော့ ကိုယ်ပိုင်နေရတဲ့အနေအထားရှိလာတယ် တစ်ပိုင်း၊ နောက်တစ်ပိုင်းကလည်း တက္ကသိုလ်ပညာသင်ကြားတယ် ဘာညာဆိုလည်း၊ ဆရာက အခန်းထဲဝင်လာ အဲ သူ့လက်ချာသူရိုက်သွားတာပဲ၊ ကျောင်းသားကျောင်းတက်တာတို့ မတက်တာတို့ ဘယ်ကောင် ကျောင်းထဲရှိတယ်တို့ဘာတို့ သိပ်မရှိဘူးဗျ။ သူတို့ရဲ့ပတ်ဝန်းကျင် လုံးဝပြောင်းလာတယ်ပေါ့ဗျာ။ ကျွန်တော်တို့ အိမ်မှာနဲ့မတူဘူး။ အိမ်မှာဆို ခေါင်းဖြီးပါလားတို့။ ထမင်းစားချိန် ထမင်းစား။ ဒါတွေ မရှိတော့ဘူး။ မနက်ဆိုလို့ရှိရင် ကော်ဖီတိုက်တယ်ပေါ့ဗျာ။ ပြီးရင် ကိုးနာရီလောက်ကနေစပြီး၊ နေ့လည် (၁၁) နာရီလောက်အထိကို ထမင်းကျွေးတယ်ဆိုလည်း အသားဟင်းစားလို့ရတယ်။ သတ်သက်လွတ်စားချင်ရင် သတ်သက်လွတ်စားရတယ်။ သူငယ်ချင်းတွေစုပြီးတော့ ၀ိုင်းတစ်ဝိုင်းဖွဲ့ရင် ဥပမာ-လေးယောက်ဝိုင်း၊ သတ်သက်လွတ်က နှစ်ယောက်ယူတယ်၊ အသားက နှစ်ယောက်ယူတယ်ပေါ့ဗျာ။ အဲဒါ လေးယောက်စားတာပဲဗျ။ မြို့ထဲကလာတဲ့သူငယ်ချင်းတို့ တောကလာတဲ့ သူငယ်ချင်းတို့လည်း ကျွန်တော်က အဆောင်ထဲ လက်ခံထားလိုက်တာပဲဗျ။ ထမင်းစုစားလိုက်တာပဲ။ အဲဒီထဲမှာ လိုရင် သွားပြီးတော့ ဗရာကြော်ပေါ့ဗျာ။ တပ်ချောက်ဆိုတာ အဲဒီတုန်းက ကုလားဆိုင်တစ်ဆိုင်ရှိတယ်ဗျ။ စမူဆာသုတ်တို့၊ ဗရာကြော်သုတ်တို့၊ ထမင်းကြော်တို့ ၀ယ်လို့ရတယ်။ ဗရာကြော်တစ်မူးဖိုးပေါ့ဗျာ။ တစ်ဆုပ်လောက်ဝယ်ပြီးရင် ကျွန်တော်တို့အဲဒီမှာ စုဝင်ပြီးတော့ ထမင်းစားလိုက်တာပဲ။ ပြီးသွားတာပဲ။ ---- ကရောက်လာတဲ့သူငယ်ချင်း။ ကျွန်တော့်သူငယ်ချင်း။ အခုထိလည်း အလွန်ချစ်တဲ့ သူငယ်ချင်းပေါ့ဗျာ။ အုန်းထွန်းတို့ဘာတို့ဆိုရင် ကျွန်တော့်အခန်းဝင်ပြီးတော့ ကျွန်တော်နဲ့အတူ ထမင်းအတူစားလိုက်ကြတာပဲဗျ။

တက္ကသိုလ်ဆိုတာ ကိုယ့်မြို့ကိုယ့်ရွာ၊ ကိုယ့်မိတ်ဆွေဆိုတဲ့ အတိုင်းအတာကို ကျော်လွန်သွားတဲ့ အံ့သြစရာတစ်ခုပါလားဆိုတာကို သွားတွေ့တယ်လို့ ဦးဝင်းတင်က ပြောပါတယ်။

သွားတွေ့တယ်ဆိုတာက ကြည့်လိုက်တဲ့အခါကျတော့ ကောင်မလေးတွေကလည်း ချောချောလေးတွေရော၊ ကားနဲ့လာတာတွေရော၊ သူဌေးသမီးတွေရော၊ အစုံပေါ့ဗျာ။ သို့သော် ကျွန်တော်က သိပ်ပြီးတော့၊ ကောင်မလေးတွေ ဘာလေးတွေလည်း သိပ်ပြီးတော့ အရေးပါတယ်တို့၊ လှလှချည်ရဲ့တို့ဘာတို့ တယ်မရှိလှဘူးဗျ။ ကျွန်တော်သိပ်လည်း စိတ်မ၀င်စားဘူး။ ကျွန်တော်တို့တွေ့တာက အသိုင်းအ၀ိုင်းတွေဗျ။ စာပေကျောင်းသားအသိုင်းအ၀ိုင်းတွေ သွားတွေ့တယ်ဗျာနော်။ ----- ခုံဖိနပ်စီး၊ အင်္ဂလိပ်စာတွေဖတ်၊ အင်္ဂလိပ်စာကလည်း ဖတ်ချင်သလောက်ပေါ့ဗျာ။ ဖတ်လို့ရနေပြီ။ အဲ တက္ကသိုလ်စာကြည့်တိုက်တို့ဘာတို့က သွားငှား၊ နောက်ပြီးတော့ အင်္ဂလိပ်စာကလည်း တတ်သလောက်မှတ်သလောက်နဲ့ စာအုပ်ထူထူကြီးတွေ ကိုင်ပေါ့ဗျာ။ -------- စာအုပ်လိုဟာမျိုးတွေ ဖတ်သလို စာပေ၊ ကဗျာ၊ ၀တ္ထု စတဲ့ ဒီလိုစာအုပ်တွေလည်း ဖတ်ပေါ့ဗျာ။ အစုံပေါ့ဗျာ။ လုပ်နေတာပဲ။ နောက်ပြီးတော့ ကျောင်းတွေကလည်း တက်ချင်မှတက်၊ မတက်ချင်ရင် နေလို့ရတယ်။ ဘယ်သူကမှလည်း Roll Call မခေါ်ဘူးဆိုတော့ အဲဒီမှာ ကျွန်တော်စပြီးတော့ စာပေနဲ့ပတ်သက်တဲ့ သူငယ်ချင်းတွေ၊ နိုင်ငံရေးနဲ့ပတ်သက်တဲ့ သူငယ်ချင်းတွေ၊ စတွေ့တာပဲဗျ။ ဒီထဲမှာ အမှတ်မိဆုံးပုဂ္ဂိုလ်လို့ ပြောရမယ့်လူတွေထဲမှာ ထိပ်ဆုံးကပါတာတော့ မြသန်းတင့်ပေါ့ဗျာ။ မြသန်းတင့်က ကျွန်တော်နဲ့ တစ်နှစ်တည်းအတူ ရောက်တာဗျ။ သူက ပခုက္ကူနားက “မြိုင်” ဆိုတဲ့ မြို့သားပေါ့ဗျာ။ နောက်တစ်ခါ ကွန်မြူနစ်ပါတီတို့ဘာတို့ဝင်၊ ဖက်ဆစ်တော်လှန်ရေးတို့ဘာတို့မှာ ပါဝင်၊ နောက် ကွန်မြူနစ်ပါတီတို့ဘာတို့ကနေ ကင်းကွာလာပြီးတော့ ရန်ကုန်ကိုရောက်။ ရန်ကုန်ရောက်တဲ့အခါကျတော့ ကျောင်းသားလှုပ်ရှားမှုတွေ ကွန်မြူနစ်လှုပ်ရှားမှုတွေ၊ ဒါတွေမှာပါဝင်ပေါ့ဗျာ။ နောက်ပိုင်းမှာ စာတွေရေး။ ရေးရင်းရေးရင်းနဲ့ နောက်ကျတော့ ငယ်ငယ်ရွယ်ရွယ်နဲ့ပဲ စပြီးတော့စာရေးပေါ့ဗျာ။ အလွန်ထင်ရှားကျော်ကြားတဲ့ “မြသန်းတင့်ဆိုတဲ့စာရေးဆရာ” ဖြစ်လာတာပေါ့ဗျာ။ နော် အဲဒီလူနဲ့လည်း ကျွန်တော်သွားတွေ့တယ်။ သူက အဲဒီအချိန်တုန်းက နောက်ပိုင်း သေခါနီးမှာ ကောင်းသွားတဲ့ မျက်စိလိုမဟုတ်ဘူးခင်ဗျ။ အလွန်ကိုမျက်စိကမှုန်။ ဘာမှ မမြင်။ မျက်မှန်ကြီးကလည်း ပုလင်းကွဲကြီးလောက် ထူတဲ့မျက်မှန်နဲ့ ခုံဖိနပ်နဲ့ပေါ့ဗျာ။ အဲဒီမှာ ကျွန်တော်နဲ့သွားတွေ့ပြီးတော့ နှစ်ယောက်က တစ်ခါတလေ အတန်းမတက်တော့ဘဲနဲ့ အင်းလျားကန်စောင်းမှာ သွားထိုင် ဆေးလိပ်တိုနဲ့ပေါ့ဗျာ ထိုင်၊ ထိုင်ပြီး စာဖတ်၊ ပြော သူကလည်းပြော ကျွန်တော်ကလည်းပြော၊ တကယ်ပြောရရင်တော့ သူက ကျွန်တော့်ထက်အများကြီးပိုပြီးတော့ စာဖတ်ဖူးနေပြီဗျ။ အဲဒီအချိန်တုန်းက တစ်နှစ် သူက ကျွန်တော့်ထက်ကြီးတယ်ဗျ။ စာအကြောင်းလည်း ပိုပြီးတော့ ကျွန်တော့်ထက် ပိုသိတဲ့ လူဆိုပါတော့။ ကျွန်တော်တို့ ကဗျာတွေဖတ်ကြတယ်ဗျာ၊ စာတွေဖတ်ကြတယ်၊ ၀တ္ထုတွေ ဖတ်ကြတယ်။ ဒါက ကျွန်တော်မှတ်မိတဲ့ စာပေနဲ့ပတ်သက်တဲ့ သူငယ်ချင်းဆိုပါတော့ဗျာ။

ဦးဝင်းတင်ရဲ့ တက္ကသိုလ်ကျောင်းသားဘ၀ကို ရှေ့အပတ်မှာ ဆက်ပြီး တင်ပြပါရစေခင်ဗျာ။