ခေတ်ဝန် (၉)

ဦးဝင်းတင်တို့ ရန်ကုန်တက္ကသိုလ်ကျောင်းသားတွေ စာဘူးတောင်းမှဆုတ်ခွာလာပြီး လှည်းကူးမြို့ ရဲစခန်းထဲမှာ မြေကတုတ်ကျင်းတွေ တူးပြီး ခံစစ်လုပ်နေခဲ့ကြပါတယ်။

သိပ်မကြာလိုက်ဘူးဗျ။ နောက်ပိုင်းကြားတာတော့ ဗိုလ်ချုပ်နေ၀င်းကနေ ဟာကျောင်းသားတွေ “ကျကျတ်” ကုန်ရင်တော့ မဖြစ်ဘူး။ အဲဒီတော့ ကျောင်းသားတွေအကုန်လုံးကို ရန်ကုန်ပြန်ခေါ်၊ စစ်ပညာတွေဘာတွေ သင်ပေး၊ ပြီးတဲ့အခါကျတော့ စစ်ထဲသွင်းပေါ့ဗျာ။ ဆိုတဲ့ လမ်းကြောင်းနဲ့ သို့မဟုတ်လည်း လမ်းစဉ်နဲ့ ကျောင်းသားတွေကို ပြန်စုတယ်ဗျ။ အဲဒီတော့ ကျွန်တော်တို့ကလည်း ကရင်သွားပြီးတော့ ခါးကလိထိုးသလို သွားပြီးတော့ လုပ်နေတာကိုးဗျ။ လုပ်နေတော့ နောက်ဆုံးဘိတ်ကျတော့ ကျွန်တော်တို့လည်း ကျောင်းသားသုံးယောက်ကျ၊ ကျပြီးတော့ ကျွန်တော်တို့လည်း ခွေးပြေးဝက်ပြေးပြေးပြီးတော့ လှည်းကူးရောက်၊ လှည်းကူးကနေပြီးတော့ အဲဒီ အမိန့်အရ လော်လီကားကြီးတစ်စင်းနဲ့ ခေါ်ပြီးတော့ ရန်ကုန်ရောက်ရော ဆိုပါတော့ဗျာ။
ရန်ကုန်လည်းရောက်လည်းရောက်ရော တန်းပြီးတော့ ကျွန်တော်တို့ကို SVF (Student Volunteer Force) ကျောင်းသားအဖွဲ့ကို ဖွဲ့လိုက်တယ်ဗျ။ ဖွဲ့လိုက်ပြီးတော့ အဲဒီတပ်ဖွဲ့ကို ဘယ်မှာထားလဲဆိုတော့ ပညာရေးတက္ကသိုလ်ရဲ့ ပါမောက္ခလုပ်နေတဲ့ ဦးဘအိမ်ရဲ့ တောင်ဘက်မှာပေါ့ဗျာ၊ အဲဒီ ဒီဂျီကျောင်းဆောင်ကြီး ရှိတယ်။ အဲဒီကျောင်းဆောင်ကြီးမှာ ကျွန်တော်တို့ကို အဲဒီမှာ ထည့်လိုက်တယ်။ ထည့်လိုက်တဲ့အခါကျတော့ အဲဒီကျတော့ ကျွန်တော်တို့ဒီ တကသမှာသွားတဲ့ အဖွဲ့အစည်းပေါ့ဗျာ စာဘူးတောင်းကိုသွားတိုက်တဲ့ အဖွဲ့တင်မကတော့ဘဲနဲ့ ကျန်တဲ့ ဒီတပ်ထဲဝင်ချင်တယ်ဆိုတဲ့ စစ်ပညာသင်ချင်တယ်ဆိုတဲ့ လူငယ်တွေအားလုံး ၀င်လာကြတယ်။ အဲဒီမှာ ကျောင်းသား (၁၀၀) လောက်ရှိတယ်။ ကျွန်တော်တို့ စာဘူးတောင်းတော့ ပါမလာဘူး။ ဒါပေမဲ့ အသစ်တွေက ဘယ်သူတွေသွားတွေ့လဲဆိုတော့ ဥပမာ- ဦးညွန့်ဝေဆိုပါတော့ဗျာဟုတ်လား၊ ကိုညွန့်ဝေ။ နိုင်ငံခြားဟားဗတ်တို့ဘာတို့ သွားပြီးတော့ စီးပွားရေးပညာတွေ သင်တယ်။ နောက်ပြီးတော့ IMF တို့ဘာတို့ ဆိုတဲ့ ကမ္ဘာ့စီးပွားရေးအဖွဲ့အစည်းကြီးမှာ သွားပြီး အလုပ်လုပ်တဲ့၊ ဒီနေ့ခေတ်မှာကျတဲ့အခါကျတော့ အမျိုးသားဒီမိုကရေစီအဖွဲ့ချုပ်ရဲ့ ဗဟိုအလုပ်အမှုဆောင် အနေနဲ့ ရှိနေတဲ့ ဦးညွန့်ဝေပေါ့ဗျာ။ နောက်တစ်ယောက် ကျွန်တော်မှတ်မိတဲ့လူတစ်ယောက် ရှိသေးတယ်ဗျ။ နာမည်ကျော် အမျိုးသားစာပေတွေကိုရေးတဲ့ ဦးဖိုးကျားရဲ့သား ဇော်ဝင်း။ အဲဒီ ကိုဇော်ဝင်းတို့ဘာတို့ ပါတယ်ဗျာ။ ကျောင်းသားတပ်ဆိုပြီးတော့ ဖွဲ့ကြတယ်ဗျ။ ဖွဲ့ပြီးတော့ ဥပမာဆိုပါတော့ ကိုညွန့်တင် ကျွန်တော်မှတ်မိသေးတယ်။ နောက်ပိုင်းကျတော့ ဗိုလ်မှူးချုပ်တွေဘာတွေ ဖြစ်ပေါ့ဗျာ။ နောက်ကိုပြည်စိုးဆိုတာ။ နောက်ပိုင်းကျတော့ ဗိုလ်မှူးကြီးပြည်စိုးတို့ဘာတို့ဖြစ်၊ နာမည်ကျော် တက္ကသိုလ် လက်ဝှေ့သမားပေါ့ဗျာ။ ကိုအောင်ထွန်းဆိုတဲ့လူ ကျွန်တော်မှတ်မိသေးတယ်ဗျာ။ ပညာရေးဌာန ဒုဝန်ကြီးတို့ဘာတို့ ဖြစ်သွားတယ်။ ဦးအောင်ထွန်းပေါ့ဗျာ။ နောက်ပြီးတော့ ကိုလူမော်ဆိုတာ နောက်ပိုင်းကျတော့ မြန်မာ့ဆိုရှယ်လစ်လမ်းစဉ်မှာ သုတေသနဌာနမှူးတို့ဘာတို့ဖြစ်သွားတဲ့ ဗိုလ်မှူးကြီးလူမော်ပေါ့။ အဲဒီသင်တန်းကျောင်းကို စပြီးတော့ဖွင့်တဲ့အချိန်ကျတော့ ဘယ်သူက ကိုင်လဲဆိုတော့ ဗိုလ်ဘချိုက လက်ဖတင်နင်၊ အဲဗိုလ်ကြီးကျော်ညွန့်ကတော့ ကက်ပတိန်ပေါ့ဗျာ။ ဒါပေမဲ့ သိပ်မကြာလိုက်ဘူးဗျာ။ ကျွန်တော်လည်း အဲဒီမှာ ပြဿနာလေးတွေ နည်းနည်းရှိတယ်ဗျ။ ရှိတယ်ဆိုတာက ကျောင်းသားတွေက လက်နက်နဲ့ဖြစ်တဲ့အခါ၊ နိုင်ငံရေးတွေကလည်း အမျိုးစုံရှုပ်ထွေးနေတဲ့အချိန်မှာ ကွန်မြူနစ်နဲ့နည်းနည်းနွယ်တဲ့ ကျောင်းသားတွေက တောခိုမယ်ဆိုပြီးတော့ စီစဉ်ကြတယ်ဗျ။ ထောက်လှမ်းရေးက အလွန်ကောင်းတာကိုးဗျ။ သတင်းကပေါက်ရောဗျ။ ပေါက်ပြီးတော့ နောက်ပိုင်းမှာ နာမည်အလွန်ကျော်တဲ့ ထောက်လှမ်းရေး ဗိုလ်မှူးကြီးဂွမ်ရှိန်က ကျွန်တော်တို့ရဲ့တပ်မှူးဖြစ်လာတယ်။ အဲဒီသင်တန်းမှာ ကျွန်တော်တို့ တက်ရတယ်။ သုံးလနီးပါးလောက် ကျွန်တော်တို့ တက်ရတာဗျ။ မိုးဦးပေါက်လောက်လည်းကျရော သင်တန်းဆင်းပွဲ ပြီးသွားရော။ ကျွန်တော်တို့ကို စစ်ထဲဝင်ဖို့ကို ပြောတယ်။ ဗိုလ်သင်တန်းကို သွားကြ။ အဲဒီအချိန်မှာ ဗိုလ်သင်တန်းကလည်း ကျွန်တော်သိရသလောက်တော့၊ ကျွန်တော်ထင်တယ် လပိုင်းလောက်ပဲလုပ်ပြီးတော့ ဗိုလ်တွေမွေးထုတ်နေတာဗျ။ အဲဒီအချိန်မှာ ကျွန်တော်တို့ ကျောင်းသားတွေကို တပ်ထဲကိုဝင်ဖို့ ကျွန်တော်တို့ ပြောတယ်။ ပြောတဲ့အခါကျတော့ အခုဒီ စာဘူးတောင်းတိုက်ပွဲတို့ဘာတို့ ရောက်သွားတဲ့အထိ သို့မဟုတ်လည်း စာဘူးတောင်းတိုက်ပွဲကနေပြီးတော့ ဟုတ်လား၊ တပ်လှန်ပြီးတော့ ပြေးလာရတဲ့အထိပေါ့ဗျာ။ နောက်တစ်ခါ ဒီ SVF သင်တန်းတို့ဘာတို့ တက်တဲ့အထိ စစ်သွေးလေးက ကျွန်တော့်မှာလာပြီးတော့ နည်းနည်းနည်းနည်း ရွပိုးထိုးတယ်ပေါ့ဗျာ။ ဒါကတစ်ဘက်။ သို့သော် တစ်ချိန်တည်းမှာပဲ ကျွန်တော်တို့ကို စစ်ထဲဝင်ကြပါ၊ ဗိုလ်သင်တန်းတက်ကြပါ၊ ဆိုပြီးတော့ တိုက်တွန်းတော့အချိန်ကျတဲ့အခါကျတော့ ကျွန်တော်က အဲဒီ ဗိုလ်ချုပ်အောင်ဆန်းနဲ့ တွေ့တဲ့အချိန်တုန်းက ဗိုလ်ချုပ်အောင်ဆန်းက ကျွန်တော့်ကိုပြောခဲ့သလိုပဲ “ဟေ့.. စစ်တိုက်မယ့်လူတွေ ရှိတယ်။ မင်းစာသင်နေတယ်မဟုတ်လား။ စာဆက်သင်..” လို့ဆိုတဲ့ တိုတိုပြတ်ပြတ်စကားကို ကျွန်တော့်သွေးထဲမှာ တစ်ခါပြန်ကြွလာပြန်ရောဗျ။ အဲဒီတော့ စစ်ထဲဝင်ကြဟေ့လို့ မေမြို့သင်တန်းကို ပို့နေတဲ့အချိန်ကျတဲ့ အခါကျတော့ ကျွန်တော်စစ်ထဲမ၀င်ဖြစ်တော့ဘူး။

ဒီလိုနဲ့ဦးဝင်းတင်ဟာ မေမြို့ဗိုလ်သင်တန်းကျောင်းကို မတက်ဖြစ်တော့ဘဲ ရန်ကုန်တက္ကသိုလ်နယ်မြေကို ပြန်ရောက်လာခဲ့ပါတယ်။

ဒုတိယနှစ်ကို (၄၉) အလယ်ပိုင်းလောက်မှာ ကျွန်တော်ပြန်ပြီးတော့ တက်တယ်။ သို့သော် တက္ကသိုလ်ရောက်လာတဲ့ ပထမနှစ်မှာလည်းကျွန်တော် ဟုတ္တိပတ္တိ ကျောင်းစာမသင်ခဲ့ဘူး။ စောစောကပြောခဲ့သလိုပဲ  မြသန်းတင့်နဲ့ကျွန်တော်နဲ့ တစ်ခါတလေ အင်းလျားကန်စောင်းမှာထိုင်ပြီးတော့ အင်္ဂလိပ်ကဗျာတွေကို ရွတ်ကြဖတ်ကြ၊ အဲဒီအချိန်တုန်းက တက္ကသိုလ်ကျောင်းအုပ်ကြီးပေါ့ဗျာ။ နောက်ပိုင်းမှာ ဗမာပြည်သမိုင်းနဲ့ပတ်သက်ပြီး အလွန်အရေးကြီးတဲ့ သမိုင်းစာအုပ်တွေကိုရေးခဲ့တဲ့ ဒေါက်တာခင်အောင်က အင်္ဂလိပ်စကားပြောတာကျတော့ အလွန်ကောင်းတယ်၊ အလွန်ရှင်းတယ်။ သို့သော် အသံက အင်္ဂလိပ်သံနဲ့ ပြောတာမဟုတ်ဘူးဗျ။ ကျွန်တော်တို့ ဗမာသံပေါ့ဗျာ။ ငပိသံပေါ့ဗျာ။ ဒီအသံမျိုးနဲ့ပြောတာပဲ။ ဒါပေမဲ့ အင်္ဂလိပ်စကားပြောတာက တယ်ကောင်း၊ တယ်ရှင်း၊ တယ်ပြီးတော့ သင်တာပြုတာလို ပြတ်သား၊ ဆိုတဲ့အခါကျတော့ ကျွန်တော်က သိပ်ပြီးတော့ သဘောကျတာ။ ကဗျာတွေသင်တယ်ဗျာ။ အင်္ဂလိပ်စာတွေ...၊ သူက အဲဒီအချိန်တုန်းက ပါမောက္ခချုပ်သာဖြစ်နေတယ်။